A nosa webquest

Neste caso presentámosvos unha nova iniciativa dentro do noso proxecto: "Salvando o pedido de Mónica"!

Esta consiste nunha webquest, un modelo didáctico baseado na investigación guiada con recursos da rede. No noso caso esta desenvolve unha pequena historia na que unha vecida chamada Mónica pide axuda ó alumnado de 5º de Primaria.

A nosa intención é tratar diferentes contidos de Ciencias da Natureza e Ciencias Sociais dun xeito atractivo e ameno para os/as nenos e nenas. Concretamente, traballaremos o proceso de transformación da materia prima ó producto elaborado. Para isto, primeiro establécense unha serie de roles para abarcar cada unha das partes de este proceso e que nos permitirá valorar cal é o nivel de traballo individual de cada alumno/a.

Posteriormente, se plantexa a elaboración dun producto final de maneira cooperativa e integrando a análise e o traballo de todos os compoñentes do grupo. Esta actividade final presentarase ó resto de compañeiros/as a través dunha exposición oral. Con esta parte, analizaremos as habilidades sociais e as estratexias para o traballo en grupo.

Para levar a cabo a nosa proposta formamos grupos heteroxéneos de cinco persoas. Cada integrante encargarase dun rol, agás no rol elaborador que será desenvolto por dous compoñentes. Esta decisión foi tomada xa que este apartado contaba cunha extensión superior ó resto e ademais consideramos que podería ser constructivo xuntar alumnos/as de diferentes niveis para que se complementen e axuden entre eles/as.

(Presiona na imaxe para acceder directamente a nosa webquest)

O noso libro Labranzas

O noso libro Labranzas consiste nunha composición de microhistorias, nas que os nosos personaxes se lles presentan unha serie de problemas, os cales están na nosa man solucionalos a través das actividades multimedia interactivas. Cada unha delas abranguen diferentes materias tales como matemáticas, lingua castelá, lingua galega, francés, inglés e ciencias da natureza. Ademais, con elas, reforzaremos diferentes contidos xa tratados anteriormente na clase, así como, analizaremos a súa capacidade para lavalos a cabo na práctica coa construcción da nosa propia horta.

Polygon Party (Autograph) de Clara Peña Pereira

Ferramentas para a creación dun libro dixital e interactivo

Para a realización do noso libro dixital Labranzas empregamos como soporte a plataforma Canva. Nesta levamos a cabo o seu deseño a través de imaxes de uso libre extraídas tanto da propia plataforma como de Flaticon, así como, a súa redacción entorno as actividades multimedia interactivas creadas.

Estas actividades, co obxectivo de elaboralas nas diferentes formas e maneiras que fosen máis óptimas para obter os mellores resultados, escollemos as ferramentas máis operativas para elo.

Por un lado, empregamos Educaplay para a realización de actividades de relacionar, emparellar, completar, cun formato de tipo test, mapa interactivo, entre outras. Especificamente, escollemos esta ferramenta xa que nos permitía o deseño dunha gran cantidade de actividades, a creación destas dun xeito simple e intuitivo, ademáis de permitirnos incorporar audio e imaxes para facelas máis creativas.

Por outra parte, utilizamos Kubbu, que é unha ferramenta semellante a anterior coa cal creamos un exercicio de clasificar, xa que a aplicación anterior non contaba con esta opción. A súa vez, esta tamén permitía realizar unha ampla variedade de actividades cunha fácil descarga, mais non resultaba tan visual o seu emprego xunto co seu acceso, precisando de adobe flash player para comezar.

Finalmente, para a elaboración de encrucillados empregamos Crossword Labs o cal é un creador específico para este tipo de actividades. Destacando que a súa utilización é sinxela e permite deseñar con diferentes formatos.